The Perfect Wedding

Paalala: Hindi po ito isang cheesy blog post na kakikiligan mo. Baka nga mainis ka pa.

On the way home, sa loob ng taxi, kasama ang mga co-divas ko, napagusapan naming ang isang nilalang na minsan akong remove sa friends list nya. Napag-alam ko recently na kinasal na ang loka. Ang kasal na 2 years nya yata pinaghandaan. At ayun, napunta ang aming diskusyon sa tanong na:

“Bakit kailangan bongga ang kasal?”

Sabi ng iba, kasi nga once in a lifetime lang yun. Ang iba naman, sabi it should be memorable. Utot nyo! Hindi yan totoo. Kung gusto ko lang yumaman, sana naging wedding planner ako. Iyan ang reyalidad. Ang kasal ngaun ang isang industriyang madaling pagkakitaan. Industriyang niloloko ang tao na para maging meaningful ang kasal eh GUMASTOS ka! Kung balak mong ikasasal, mahina na siguro ang gumastos ng 100k- 200k para sa isang araw na event.

Pero bakit? Kailangan ba talaga? Kailangan ba talagang may photo booth? Kailangan ba talagang may picture habang ng cu-cut ng cake, importante ba talaga ang pre-nup pics? Eh souvenirs, kailangan ba?

Kinakasal ang isang tao kasi gusto nyang makasama pang habang buhay ang isang tao. Isa itong pagkakaton para patunayan nyo ang sarili sa isa’t isa hindi magmayabang sa madlang pipol. Tapos may i-upload pa sa FB ang pics? Para ano? Mang-inggit?

Mag-aminan tayo, ganyang karamihan ang tao. Maraming kailangan ikasal sa ganyang paraan kasi iyan nag ine-expect ng tao o di kaya, naiinggit sa isang friend na nagpakasal ng bongga.

Ang siste, hindi pa kinakasal, ang dami ng gastos. Ngarag. Pressured. Tapos, kukuha ng sangkatutak na ninong at ninang para ano? Makabawi sa gastos? Haaay wag na tayong magplastikan. Ayan ang dahilan.

Tapos may video coverage, may photo coverage para ano? Itago hanggang mabulok after ng kasal?

Sige, kung mayaman ka at winawalis lang ang pera sa bakuran nyo, cge, go ahead magpakasal ka at magwaldas ka ng pera. Pero kung ordinary tax payer ka lang, wag ka na umarte. Make it simple. Iyang i-gagastos mo, itabi mo na lang. para kapag nagkaanak kayo, hindi kayo baon sa utang.  O ipang down nyo sa bahay nyo para hindi kayo sa byenan mo kayo nakatira.

Kasal… unti-unti nang nawawala ang meaning nito. It is supposed to be an important event for 2 people, not for 200 or 300.  Romantic hindi Gigantic. Kasal ito hindi sakal…sa gastos.

Kung mahal mo talaga ang isang tao at gusting patunayan ito sa kasal, ibahin mo ang diskarte. Huwag umayon sa kung ano ang nakasanayan. Para at at least memorable. At para kapag inaalala nyo ang kasal nyo, mapapangiti kayo at ma-iinlove uli sa isat-isa. Hindi yung wala kayong masyadong maalala kasi na late si bride,  o palpak si wedding coordinator, o nawala ang singsing ni ring bearer, o di kaya naubusan ng handa ang caterer.

Hindi kinakailangan maging komplikado ang kasal. Naalala ko tuloy ang Sex and the City movie. Bongga lahat pero hindi natuloy. Kasi na pressure si Mr. Big. Sayang pa naman ang Vera Wang gown. Pero sa huli, kinasal si Carrie na suot ang isang suit na bili lang sa vintage shop. Nag reception lang sa isang resto kasama lang mga mga importanteng friends. Ayun, full of meaning at memorable. Hindi yung kasal ni Regine Velasquez na nakakauta sa karatehan at kaplastikan. Kulang na lang sumigaw ang director ng CUT! Yuck!

Ang kasal ay simula pa lang. Huwag kayong masyadong magcelebrate na akala nyo made in heaven ang relasyon nyo. For all I know, you are just in love with the idea of being in love, na in-love sa idea ng kasal, pagkatapos ng lahat ng hallucinating effect nag kasal na nakita ang realidad, ayan maghihiwalay na.

Actually, wala naman akong pakialam kung gusto nyo yan. Kayo naman magbabayad. Hindi ako. Kayo mapapagod hindi ako. Kayo naman ang sasakit ang paa kakalakad para magpapaicture sa bawat table ng mga guests. Kayo naman ang sisikmurahina ng tyan dahil hindi makakain kasi picture dito, cake cutting doon, open ng gifts dito at kung ano ano pa. sa ending ikaw nagbayad ng pagkain, ikaw hindi makakakain.

Kaplastikan. Pagyayabang. Yan ang dahilan kung bakit kailangan bongga ang kasal. Wag nyo kong awayin. Baka naman mali ako. Sana nga mali ako. Pero sige, doon sa nagbabalak magpakasal, itanong nyo sa mga sarili nyo:

• kaya ko bang ikasal sa huwes lang?
• kayak o bang ikasal na less than 50 lang ang imbitado?
• Pwede bang walang ng 15k lang budget ko?

Kung NO lahat ang sagot nyo eh ewan ko na sa inyo. Eh gusto nyo naman yan. Kung deadma kayo sa opinion ko, keri lang. Hindi ko intensyon ibahin ang pananaw nyo. AKo lang ito. Feeling ko lang ito. Opinyong kp lang ito. Hindi ko naman nilalahat. Kung naapektuhan ka, wichels ako care! May mga online wedding sites, wedding magazines, wedding planners, experts, designers, photographers at kung ano ano pa just to fill your wedding obsession. Opo, it can lead to obsession. walang pinagkaiba sa feeling na gustong gusto mong bumili ng bagong cellphone. Babush.

Sana sa 2011…(part 1)

1. Itigil na ni Joel Cruz ang paggamit nya ng sarili nyang mukha sa billboard nya. Puhlleeessse! 3 araw ba ang ginugol ng artist mo para i-photoshop ka? Ang creepy kaya. Imbes na ma-engganyo ako bumili ng aficionado eh kinikilabutan ako dahil everytime na naamoy ko siya eh naalala ko ang ala “plant vs. zombies” na mukha ni Mr. Cruz. Panawagan sa MMDA, dapat isabatas na ito. Ipagbawal ang paglagay ng billboard na may mukha nila Joel Cruz, Ellen Lising at Vicki Belo. Hayaan nating magagandang celebrities ang nakabuyangyang sa EDSA. Oops isama mo pa pala sa listahan si Cristina Decena na ex ni Philip Salvador (naku i-research nyo kung sino sya. maraming billboard yan sa NLEX hahaha). Haay nadiscover lang nilang may photo shop, inabuso na nila. Mga ate at kuya, hindi mo ninyo sala ang EDSA para tadtaran nyo nang naglalakihang picture frames nyo. Mahal ang billboard. Nasa 100k yan a month. So parang awa nyo na, gamitin nyo na lang sa kawang gawa at huwag sayangin sa ilusyon yong maganda at fresh kayo. Nakatulong na kayo sa nangangailangan, hindi nyo pa napainit ang ulo ng mga pasahero ng bus, MRT at FX.

2. Itigil na ni Mother Lily ang pagpapalabas ng Shake, Rattle and Roll tuwing Desyembre. Utang na loob. Hindi na siya nakakaaliw. Too formula na malaman mo pa lang ang title ng episode, alam mo na ang plot. Hindi po namin pinupulot ang 180 para ipanood ng walang kwentang palabas.

Aaminin ko, aliw talaga ako at supper borkot ako nung bata ako kapag napapanuod ko ang “Shake”, dahil nandun pa yung umpf nya. eh dahil sa lahat ng sobra eh bawal, dapat ipagbawal na rin kay Mother Lily ang paggawa ng “Shake”. Hanggang kailan to matatapos? sa 50th installment? Wow, eh bakit hndi nyo gawing teleserye yan para kahit 100 episodes eh maachieve nyo.

At please, wag na wag nyong i-achieve na Mano Po ang ipalit dito. Ibang usapan na to. Imbes na mag try pa kayong mag release ng Mano Po 6,7,8,9 at 10, bakit hindi nyo subukan gawan ng pelikula ang mga bombay sa pinas na ang title eh PaybSiks Po, o mga Korean sa Saranggahamida Bo, mga Japanerang timer sa Omise Po, o mga paring lasenggero sa pelikulang MomPo. O ayan marami na kayong choices ha!

haaay bontok na ako. cge…abangan nyo na lang ang iba ko pang hiling ngayong 2011! babooo!

Ang Chaka ng chika. Itigil Yan!

After my long hiatus… the Diva is Back! Actually wala na talaga akong planong mag blog ka-ek ek na to. Tutal ako lang naman yata ang nagbabasa (or baka naman may dalawa pa, i hope!). But then again, na disturb talaga ako when after the longest time ay nanood ako uli ng Myx sa cable. Episode ito ng OPM at dahil dyan may mga moment na nag enjoy ako habang sing along sa lyrics sa baba ng screen. Pero mas marami ang pag kakataon na nabwisit ako.

Ngaun ko na realize talaga na hindi porke’t kumakanta ka eh singer ka. Hindi porke’t may music vid ka sa Myx eh singer ka! at hindi porke’t may album ka eh singer ka. Juice ko day, bakit may mga taong kapal ng apog. So far eto ang aking “Shit List” ng OPM artist. Mga nafefeeling-feelingang singer daw. Pakisabihan nga ang mga itong kahit sa videoke eh wag na i-try.

1. Manny Pacquio : myyy gawwwd, ganun ba talaga katapang mukha nito? hindi na nga tinatablan ng suntok pati ba naman hiya? Well, nag hit ang song nya pero sana wala ng next time. wala ng pagkakanta sa Jimmy Kimmel Live. Sana kalimutan na!

2. Us2 Evil 0 : Banda ni Quark Henares at Mich Dulce. Nakita nyo na ba mga vids nila? OA. Trying hard magpaka avant garde. Can someone please stop them? itigil na nila yung mga kalokohan nila. Bro Quark, mas niningning ka sa pagdidirek. Miss Mitch…magtahi ka na lang. dun ka fab. iwanan nyo na ang pag babanda. Eeekeee ang feeling pag pinapanood kayo. And did you ever try to listen to your songs? It’s HORRRIBBBBLE!. So think twice kapag balak nyo pang maglabas ng bagong single….

3. Mark Bautista : Wala lang. Inis lang talaga ako sa mukha mo!

Eto muna ang first three ng aking OPM Shit List. Abangan ang mga susunod pa. Baka kasi kapag dinagdagan ko pa ngaun eh atakihin na ako sa puso sa pagkabwisit!

tataaaaaaaaaaaaa…..

Ang Diva ng Looban, nasa Twitter na!

Sundan nyo at abangan nyo ang mga powerful tweets ko. follow me sa twitter:akosibanang

Kakalokang Prediksyon ng isang taga looban sa Year of the Metal Tiger

KUNG HEI FAT CHOI! Belekoy, may amoy, kolokoy! Eto na, kumapit ka. Alam ko hindi mo ito kakayanin. Ano nga ba ang kapalaran mo sa taong ito? Sisikat ka ba? mababayaran mo na ba ang mga utang mo? Magkakalove-life ka na ba…sa wakas? Eto, ang mga predisyong pwedeng hindi seryosohin. Kung tatamaan ka, eh dedz ko naman. Kung papatulan, bahala ka…go! Bato-bato sa langit, ang tamaan huwag magagalit. Intensyon lang ng Divang taga looban na pasiyahin kayo. Kapag naasar, hindi ko na problema yun (taray!)

ARIES

Mayabang ka. Yan ang totoo. Feeling mo angat ka sa lahat. Bet na bet mong laging may special treatment ka kahit na minsan astang special child ka na. Ngaung taon, bawasan ang kahambugan. Huwag lang sarili ang iniisip. Huwag masyadong maniwala na ikaw ay gwapo o maganda. Minsan ikaw lang ang nainiwala dun. Hindi porket salat ka sa kagandahang pisikal, wala kang ibubuga. Mabuti naman ang puso mo di ba?

Bawasan ang madalas na paliligo, lalo’t taga paranaque ka at mahirap ang tubig. Malas  sayo ang magsuot ng pink lalo na at may kalakihan ang iyong pangangatawan, baka mapagkamalan kang signboard ng MMDA.

TAURUS

Mapagmahal kang tao. Magaling mag-alaga. Yun nga lang madali kang ma-inlove. Napangiti lang sayo, kinilig ka na agad. Ang hindi mo alam, natawa lang siya dahil lumalabas na yung kulangot mo sa ilong. Huwag “feeling” at “assumtionista”. Hindi porket kinakausap ka ng crush mo eh may possibility na maging kayo. I’m sure bumebwelo lang yan para mangutang sa’yo.

Umiwas sa pagpunta sa mall, lalo na’t kung window shopping l;ang ang gagawin mo. Masakit yun sa paa, sa puso at sa utak. Balik ka na lang pag may sale. Piliin ang mga sasamahang kaibigan lalo na’t kung pay day, naku sigurado ako, magpapalibre lang sila sayo.

GEMINI

Kilala ka bilang plastik. Etchoserang froggie. Kung maka-arte ka, feeling mo super nice ka, pero deep inside im-bernadette sembrano ka sa mga tao sa paligid mo at sa mga bagay na kinasasadlakan mo. Kulang na lang, sambitin mo ang mga linya ni Maricel Soriano na: “Ayoko ng madumi, ayoko ng mabaho, ayoko ng putik!” Tanga ka ba? syempre madumi, maputik at mabaho yang lugar mo lalo na kung every 6 months ka lang maglinis! Ngaun taon, try mo magpakatotoo ng very light. Huwag mo ng hintayin ang pagbubukas ng bahay ni kuya para gawin yan. Hindi ka rin maman papasa sa audition. Gawin mo sya, now na.

Iwasan mo ang tumambay sa labas ng bahay lalo na pag gabi. Either mapagkamalan kang nagpapabook o naghahanap ng booking.

CANCER

Mabilis kang manakit. Mabigat ang kamay mo. Matawa ka lang ng konti, may hampas na yang kamay mo. Magulat ka lang, sabay na yang sabunot mo. Kiligin ka lang, nangangagat ka na. Stop it darling. HIndi maganda yan. para kang amazonang hindi mawari. Kung ikaw kaya ang sampalin ko ng magkabilang pisngi dahil natutuwa akong makita ka after so many years… magugustuhan mo ba?

Dahil sa masyado ka ng pisikal, i recommend na sa taong ito, bakit hindi mo i-try mag boxing? kapag hindi ka pa kuntento, eh di mag muay thai ka. Kapag over sa over pa rin ang pagkabagot eh di mag UFC ka! kapag to the highest level na talaga yang trip mo eh di punta sa isang mataong lugar tulad ng divisoria tapos sigaw ka ng “snatcher ako! woooo! sarap magnakaw”. Ayan kukuyugin ka ng taong bayan. Maaksyong bugbugan ang naghihintay sayo.

LEO

Pa-star ka. Feeling mo celebrity ka. Pangarap mo ang sumikat at makita sa TV. Yun nga lang, yung last time na nakita ka sa national TV eh sa TV Patrol pa. Isa ka sa mga parokyanong may takip na panyo sa mukha sa isang Gay Bar na na-raid sa QC. Pero bumawi ka, nakita mong mag shooting dyan sa bayan. May ginagawang teleserye. Nag-prisinta kang maging extra kasi nga stepping stone yun. Kaya nga lang, ang binigay sayong role eh isa sa mga taong bayan na nagtakbuhan dahil may sunog. Syempre full of emitions yun di ba? ayan sigaw ka, iyak, very helpless ang dating. Madungis, puno ng grasa. Tapos ng ikaw na yung tatakbo padaan sa kamera, sabi ni direk, cut! Ok na daw ang eksena. Ayan, sayang ang acting mo. Kaya ngaung taon, manahimik ka. Lie-low ka muna. Maghanap ka ng ibang activities sa buhay mo like cross stitch, pagsagot sa crossword puzzle o mag gardening. Try muna naman ang simple living minsan.

VIRGO

Huwag ka ng mag-pretend na virgin ka dahil hindi! hindi! hindi! Wala ng maniniwala sayo. Huwag mo na rin itago na bading ka. Hindi tama yan. Masarap ang maging bading. Hindi nakakatakot ang maging bading. Hindi lahat ng bading nagdadamit babae. Marami kang choices: Maging bading na haragan, baklang bato, mukhang kontensera, japanera o sosyalera. Kung hirap kang aminin sa family eh di gumawa ka ng short coming out video. i-upload mo sa facebook account mo para lahat taong kilala ka eh malaman. Kung walang facebook ang nanay at tatay mo, im sure sasabihin yang kapatid mo, kamag-anak mo o kahit na yung manikurista nyo tunay ang pagka-chismosa.

LIBRA

Boring ang taon mo. Walang gawa. Kung ako sayo, try mo magpalit ng zodiac sign ngayon ng maiba naman. Kapag nakapamili ka na, dun mo na ibase ang prediksyon mo sa taong ito.

SAGITTARIUS

Ngaung taon, siswertehin ka. Mabibili mo na ang gusto mo. Matutuwa na ang nanay mo. Dahil sa wakas may trabaho ka na. Hindi ka na tambay sa bahay nyo. Hindi mo na susulitin ang cable nyo dahil sa buong araw na panunuod. Tamang-tama, tapos na ang PBB at hindi mo na kailangan mag 24/7. Salamat at may isang call center na tumanggap sayo!

CAPRICORN

Try mo munang mag stay sa bahay madalas. Huwag ka munang visible sa public. Paglaanan mo muna ng time ang sarili mo. Dahil kapag nakita kang nasa labas, kukyugin ka nga mga taong maniningil sa mga utang mo. Kaya kong ako sa’yo chill muna. Mas maganda siguro na maglagay ka ng karatula sa pintuan nyo ng “walang tao dito. bukas ako magbabayad”, para asa lang sila ng asa na bukas magbabayad ka na.

Para madaling makayabayad sa utang, mangutang sa iba para ibayad sa iba. yung nga lang, hindi nababawasan ang utang mo. Umiikot lang. At least nagbabayad ka.

AQUARIUS AT PISCES

Dahil tubig ang simbolo nyo, malas kayo ngaun tao na ito. Baket? Dahil taga CAMANAVA ka, hindi pa rin mawawala ang baha dyan sa inyo. Last time, isang metro na ang pinataas nyo sa flooring nyo, akala nyo goodbye baha na kayo, eh nagka-ondoy, umabot hanggang 2nd flr nyo ang baha. At dahil, maulan talaga sa pilipinas, i suggest, lumipat ka na lang bahay. Sa isang lugar na mataas at walang baha. Kung saan man yon, hindi ko sasabihin, mag effort kang maghanap!

Bakit nga ba may Balentyms?

Mag-tetrenta na ako. 2 taon na lang, X na ako sa kalendaryo, at hello bingo! Per dumaan na ang ilang belentyms, eto zero pa rin ako. Nakatanghod lang sa mga taong may ka-date habang bitter-bitteran sinasabi sa sarili…”naku hindi rin kayo tatagal, walang liligaya” na parang si Bella Flores ang nagdeliver ng linya. Pero sa bandang huli ako ang kawawa, sila ang panalo. As in, panalong panalo, mahaba ang hair. Sa haba ng hair, umabot eto hanggang Carriedo.

Syet na buhay to. Bakit pa kasi may balentyms. Sino bang kumag ang naka-isip nito? Ayan tuloy, kapag mga ganitong panahon, mukhang kawawang sisiw yung mga single. Nakaka-OP. Yung mga bakla kong friendships, ayan may mga roses or chocolates na natatanggap. Yung iba panay text kasi si jowa tatawag pag-strike ng twelve. Yung iba naman, ayun naka-angkla sa mga pangga nila, pa-sweet sweetan ang drama. Eh ako, kasama yung mga tulad kong mga loveless at single, either deadma or irita.

Pero bakit ba ako papa-apekto? Sa sunday, I get to spend it with my family na first love ko. I go to mass, because ultimate love ko si God. I get to spend time with myself kasi i need to love myself first before i can truly love other person. So bakit nga ba ako papa-apekto? Naku Banang, utot mo! Face the reality. Loveless ka na naman sa darating na balentyms at yun ang totoo at wala ka nang magagawa dun. Pwede kang humabol pero chaka ng chikang yun. Parang napilitan ka lang para humabol sa deadline.

Sige, magda-drama na lang ako. Watch ko na lang uli siguro yung “One More Chance” ni John Lloyd at Bea o kaya yung “Very Special Love” ni Sarah, para kahit man lang sa mga sandaling yun, i feel in love. Tapos, inom ng very light, palasing ng konti, then tulog. Tapos ang araw…Monday na. Back to work. Para lang isang araw na dumaan.

Bukas, luluhod ang mga Tala.